Nutricionisti Altin Joka ka rrëfyer sërish historinë e 16-vjeçares nga Tirana e cila përfundoi pa ndjenja në spital, pasi bullizmit nga shokët e klasës.
Joka për ‘News24’ tha se e reja u shtrua në spital si pasojë e një diete ekstreme pas bullizmit që ka kaluar lidhur me pamjen e saj të jashtme pasi ishte mbipeshë.
Sakaq shtoi se ‘imazhi ideal’ që reklamohet në rrjete sociale, po bën që shumë nxënës të distancohen nga grupet shoqërore pasi klasifikohen nga pamja e jashtme.
“Duke parë në punë e përditshme. Tre faktorë më kanë bërë përshtypje. Së pari është aftësia e bullizimit, obeziteti është i madh në Shqipëri. Së dyti, niveli i fasadës dhe pamjes së jashtë është shumë i madh. Kush nuk është brenda paraqitjes vizuale, përpiqen të largohen nga grupet shoqërore. Së treti janë familjet, indiferentizmi i tyre. Nga 15 raste, vetëm 2 i kanë analizuar këto raste. Përgjithësisht i neglizhojnë. Nëna e vajzës është ajo që më është drejtuar. Më ka komunikuar para Vitit të Ri, për të organizuar një dietë. Unë hulumtoj detajet për të parë dhe faktorët e obezitetit. Tiktoku ka ndikuar po ashtu. Kishin ndodhur ngjarjet dhe në shkollë”, ka thënë Joka.
